B d t hem dunya Uyghur qurultiyi malayshiyaning Uyghurlarni xitaygha qayturghanliqini eyiblidi

Birleshken döletler teshkilatining musapirlar ishxanisi seyshenbe küni bayanat élan qilip, malayshiya hökümitining 11 neper Uyghurni hayatiy xewpke uchrash éhtimali yuqiri bolghan xitaygha qayturup bergenlikidin epsuslinidighanliqini bildürdi.
Muxbirimiz méhriban
2011.08.23

Dunya Uyghur qurultiyi bayanatchisi dilshat rishit xitaygha qayturulghan herqandaq Uyghurning éghir qiyin-qistaqqa élinidighanliqini, hetta hayatining xewpke uchrash éhtimali barliqini bildürüp, malayshiya hökümitining xelq'ara musapirlar qanunigha xilap halda, Uyghur musapirlirini xitaygha qayturup bergenlikini eyiblidi.

Malayshiya da'iriliri 8-ayning bashlirida malayshiyada 16 neper Uyghurni tutqun qilghan bolup, 18-awghust jüme küni ulardin 11 nepirini xitaygha qayturup bergen idi.

Nöwette malayshiya da'irilirining yene qalghan 5 neper Uyghurnimu xitaygha qayturup bérish éhtimali barliqi xelq'ara insan heqliri teshkilatlirini ensiritiwatqan bolup, dunya Uyghur qurultiyi hem xelq'ara insan heqliri teshkilatliri malayshiya hökümitini qalghan 5 neper Uyghurni xitaygha qayturup bermeslikke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.