Qazaqistan mektepliride 100 mingdin artuq oqughuchi öz ana tilida oquydu

Qazaqistanning mu'awin ma'arip ministiri maxmétgali saribékof köchmenler mesilisige a'it bir yighinda qazaqistanda 100 mingdin artuq oqughuchining ayrim -ayrim halda özbék, Uyghur we tajik tillirida ma'arip terbiyisi alidighanliqini élan qilghan.
Muxbirimiz umidwar
2010.11.28
Share on WhatsApp
Share on WhatsApp

Ottura asiya uchur torining xewirige asaslan'ghanda, "qazaqistanning ma'arip siyasitining prinsipliridin biri milletlerning milliy kimliki we medeniyetler ara chüshinishni shekillendürüsh" dep körsetken. Sarbékofning éytishiche, hazir qazaqistanda 79100 bala özbék tilida, 14700 bala Uyghur tilida, 3600 bala tajik tilida oquydiken. Bashqa yene 19 millettin bolghan 14500 bala 104 mektepte özlirining ana tilini mexsus ayrim derslik süpitide öginidiken.

 Qazaqistandiki Uyghur ziyaliylarning bildürüshiche, pütün qazaqistan teweside 60 qa yéqin Uyghur mektipi bar bolup, bularning yérimidin köpreki mexsus Uyghur mektepliri, qalghanliri Uyghur-rus yaki Uyghur-qazaq arilash mektepler bolup, bu mekteplerde Uyghur baliliri öz ana tilida barliq derslerni öginidu.

Almutidiki Uyghur tilshunas doktor ruslan arziyéw ependining bildürüshiche, qazaqistan hökümiti Uyghur tilida bashlan'ghuch we ottura mektep ma'aripigha ehmiyet bergen bolup, xitay hökümiti élip barghandek qosh tilliq ma'arip nami bilen Uyghur tilini mekteplerdin siqip chiqirish siyasiti yürgüzmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.