Қазақистанда назарбайеф намиға мунасивәтлик “тунҗи президент байрими” өткүзүлди

Қазақистан һөкүмити һәр йили 1 - декабир күнини қазақистан җумһурийитиниң “тунҗи президенти хатирә күни” қилип бекитип, пүтүн мәмликәт бойичә байрамлиқ дәм елишқа қоюветишни бәлгилиди. Пәрғанә учур ториниң йезишичә, әнә шу қарар бойичә қазақистанлиқлар һәр йили 12 - айниң1 - күнини дөләт байрими сүпитидә хатириләйду һәмдә һөкүмәт органлири, завут - карханилар, мәктәпләр вә башқа барлиқ орунларниң пуқраларни бир күнлүк байрам өткүзүшкә қойиветиши шәрт.
Мухбиримиз үмидвар
2012.12.02
Share on WhatsApp
Share on WhatsApp


Байрамниң келип чиқиш тарихи, 1991 - йили, 12 - айниң 1 - күни нурсултан назарбайефниң совет иттипақидин айрилип, мустәқиллиқ җакарлап, пүтүн мәмликәт бойичә сайлам өткүзүп, өзиниң 97% аваз билән қазақистанниң тунҗи президенти болуши билән мунасивәтликтур.

Қазақистан һөкүмити бу күнни хатириләш үчүн мәхсус тунҗи президент нурсултан назарбайефниң шәрипи үчүн дөләт байрими өткүзүшни қарар қилған. Оттура асия учур васитилиридин мәлум болушичә, бу қанунни назарабйеф өзи тәстиқлиған.

Әлвәттә, өктичиләр буниңға қарши чиққан болсиму, лекин уларниң авази күчкә игә болалмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.