Afghanistan xitay néfit shirkitining afghanistanda néfit we tebi'iy gaz qézishigha yol qoydi

Afghanistan hökümiti charshenbe küni xitay bilen kélishim imzalap, xitay döletlik néfit shirkitige shimaliy afghanistanda néfit we tebi'iy gaz zapisini qidirip tekshürüsh hoquqi berdi.
Muxbirimiz erkin
2011.12.28
Share on WhatsApp
Share on WhatsApp

Mezkur shirket afghanistanda bu xil hoquqqa érishken tunji chet'el shirkitidur. Afghanistan kan bayliqliri ministiri wahidulla shahrani xitay terepning 700 milyon dollar meblegh salidighanliqi, eger néfit,tebi'iy gaz zapisi bayqalsa meblegh sommisini 10 hesse köpeytilidighanliqini bildürgen.

Bu heqtiki xewerlerde qidirip tekshürüsh pa'aliyiti amu derya wadisidiki faryab, saripul rayonlirida élip bérilidighanliqini bildürgen. Bu rayonda tunji bolup sabiq sowét ittipaqi 1960‏-yilliri néfit, tebi'iy gaz qidirip tekshürüshi élip barghan.

Analizchilarning ilgiri sürüshiche, bu kélishim xitayning ottura asiya yer asti tebi'iy bayliqini kontrol qilip, özining énérgiye éhtiyajini kapaletke ige qilish yolida atqan yene bir qedimidur. Bu xitayning urush oti ichidiki afghanistan'gha salghan tunji meblighi emes. Xitay métallurgiye qurulush shirkiti 2008‏-yili afghanistan bilen uning lugar ölkisidiki eynek mis kénini échishni meqset qilip, 3 yérim milyard dollarliq kélishim imzalighan.

Afghanistan hökümiti xitay bilen imzalan'ghan néfit, tebi'iy gaz kélishim afghanistanning kirimini köpeytip, uning özige tayinish iqtidarini kücheytishini ümid qilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.