Хитай, қазақистанниң қорғас райониға 70 миң ишчи йөткәшни пиланлимақта

Лондонда чиқидиған телиграп гезитиниң 23 ‏-ноябир хәвиридә билдүрүлүшичә, хитай қазақистанниң қорғас районида 6000гиктар көләмдә иқтисадий алаһидә район бәрпа қилмақчи вә бу районға келәр йили 70миң ишчи йөткимәкчи
Шөһрәт һошур
2010.11.23

Мәлум болушичә, икки тәрәп һөкүмәтлири мәзкур пилан һәққидә пикир бирликигә кәлгән; техи рәсмийләшмигән келишим бойичә, хитай мәзкур иқтисадий алаһидә районда завут-фабрика тәсис қилиду, хам-материяллирини елип келиду һәм 70 миң ишчи йөткәйду. Қазақистан тәрәп болса бу пилан арқилиқ, қошна дөләтлиригә хам материял екиспорт қилиш орниға, мәһсулат екиспорт қилишни копәйтишни әмәлгә ашуриду. Пилан иҗра қилиниш үчүн қазақистан парламентида тәстиқтин өтүши керәк. Пат йеқинда музакиригә қоюлидиған бу пилан һазирдин башлап қазақситан сиясәтчилири арисида пикир ихтилаплири пәйда қилмақта.
Мәзкур гезитниң хәвәр қилишичә, қазақситан тәрәпниң қорғас базириға мәсул дериктори әсқәт муһәммәдиф, бу пиланниң қазақистан иқтисадиға пайдилиқ икәнликини билдүргән, бурун бейҗиңда вәзипә өтигән қазақистанниң сабиқ баш әлчилиридин мурат әвизоф, мәзкур пиланниң хитайниң, территорийә җәһәттә оттурисиға кеңийиштәк узун мәзгиллик истратегийилик пиланиниң бир қисми икәнликини билдүрүп, қазақистанни агаһландурған. Мурат әвизоф бурунму бир қетим, өктичи паалийәт елип берип, хитайниң қазақистандин териқчилиқ үчүн йәр иҗаригә елиш пиланини бикар қиливәткән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.