Qeshqer qedimiy sheher restilirini qoghdash toghrisidiki qarar layihisi pat yéqinda yawropa parlaméntining maqulluqigha sunulushi mumkin

Dunya Uyghur qurultiyining yawropa ittipaqida turushluq xadimlirining ashkarilishiche, xitay hökümitidin yipek yolidiki qedimiy sheher qeshqerni chéqishni toxtitip, qeshqer sheher restilirini qoghdashni telep qilishni mezmun qilghan qarar layihisi pat yéqinda yawropa parlaméntining maqulluqigha sunulushi mumkin.
Muxbirimiz erkin
2011.03.04
Share on WhatsApp
Share on WhatsApp

Dunya Uyghur qurultiyining béryussilda turushluq wekili memet toxti ependi radi'omizgha melumat bérip, qarar layihisi pat yéqinda yawropa parlaménti ezalirining testiqigha sunulidighanliqini bildürdi. Qeshqerni qoghdash heqqide qarar layihisi maqullash dunya Uyghur qurultiyining pikri bolup, bu pikir bezi yawropa kishilik hoquq we ammiwi teshkilatlirining qollishigha érishken. Ularning teklip bérishi bilen yawropa parlaméntidiki Uyghur mesilisige yéqindin köngül bölidighan bezi ezalar qarar layihisi hazirlap, yawropa parlaméntining testiqigha sunushqa maqul bolghan idi. Memet toxtining ilgiri sürüshiche, mezkur qarar layihisi mushu bir qanche hepte ichide sunulushi mumkin.

Bu mesile yene, gollandiyidiki Uyghur, tibet, mongghul we xitay kéngishi wekilliri yéqinda yawropa parlaméntini ziyaret qilip, bezi parlamént ezaliri bilen körüshkende otturigha qoyulghan. Körüshüshte ziyaret ömikidiki Uyghur wekiller parlamént ezaliridin Uyghur rayonining kishilik hoquq weziyitige köngül bölüshni otturigha qoyup, Uyghur rehbiri rabiye qadir xanimning 2011‏-yilliq nobél tinchliq mukapatigha érishishini qollashni telep qilipla qalmay, qeshqer qedimiy sheher medeniyitini qoghdashqa küch chiqirishni telep qilghan. Bu yil 1‏-ayning 27-küni yawropa parlaméntida qeshqer qedimiy sheher restilirini qoghdash toghrisidiki bir ilmiy muhakime yighini chaqirilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet