Xitay qeshqerni échish we köchmen yötkesh qedimini tézletmekchi

Uyghur aptonom rayon da'iriliri qeshqerni téximu ilgirilep échish we bu jaygha téximu köp köchmen jelp qilish üchün yuqiri sür'etlik tashyol we tömür yol qurulushigha alahide ehmiyet bermekte.
Muxbirimiz irade
2012.06.28

Xitay kündilik gézitining xewiridin qarighanda, bu yil xitay merkizi hökümiti we Uyghur rayonluq hökümet qeshqer bilen ottura asiya ellirini tutashturidighan xitay-qirghizistan-özbékistan tömür yoli qurulushini eng muhim qurulush pilanining biri qilip békitken.

Xitay da'irilirining 5-iyul weqesining 3 yilliq xatire mezgili yétip kélish mezgilide xitay ölkilirining “Shinjanggha yardem bérish” dep atiliwatqan xizmet pilanini kücheytish, qeshqer alahide iqtisad rayonini échish xizmetlirini tézleshtürüshni hedep teshwiq qilip, téximu köp xitay köchmenlirini Uyghur élige bérip tirikchilik qilishqa ündewatqanliqi melum bolmaqta. Xitay da'iriliri xitay ölkiliridin Uyghur élige baridighan tömür yol, hawa yollirining sanini ashurghan. Bultur bir yil ichide ürümchi-qeshqer we xoten tömür yoli bir milyon 700 mingdin artuq yoluchi toshughan.

Chet'ellerdiki kishilik hoquq teshkilatliri Uyghur élidiki iqtisadiy tereqqiyatning ochuq-ashkara halda xitaylarni menpe'etlendürüshni meqset qilghanliqini, xitay hökümitining köchmen yötkesh arqiliq Uyghur élide muqimliq berpa qilmaqchi boluwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.