Qeshqerge meblegh sélishqa qiziqqan xitay sodigerlirining köpiyishi dunya Uyghur qurultiyining diqqitini tartti

Tengritagh torining 23-yanwar xewiride bildürüshiche, qeshqer wilayiti bultur, sodiger we meblegh jelp qilish jehette étibar bérish siyasetlirini keng kölemde yolgha qoyghanliqi üchün, bultur 11-ayning axirighiche, yéngidin jelp qilin'ghan meblegh, 125 türge؛ bularning imzalan'ghan kélishim sommisi 38 milyard yüen'ge yétip, aldinqi yildikidin 54.3% Ashqan.
Muxbirimiz shöhret hoshur
2012.01.23

Xewerde bildürüshiche, qeshqer wilayetlik xitay hökümiti sherqtiki kesiplerni gherbke yötkesh nami astida, sherqtiki 4 ölke, sheherning soda -sana'etchilirige alahide étibar bérish siyasetliri bilen quchaq achqan. Netijide, shangxey yéshing guruhi, jyjyang jili soda shirkiti, junggo éléktr guruhi qatarliq chong soda guruhliri qeshqerge makanlashqan.

Xitay sodigerlirining qeshqer shehirige bu derijide zor qiziqish bilen köz tikishi dunya Uyghur qurultiyining diqqitini tartti. Qurultay bayanatchisi dilshat rishit bügün bu heqte radi'omizda pikir bayan qilip, milliy ziddiyetler künséri ötkürlishiwatqan, muqimliq tedbirliri héch kargha kelmeywatqan bir rayon'gha, bu derijide zor qiziqish we uzun mezgillik meblegh sélishning soda-sana'etchiler üchün aqilane bir ish emeslikini eskertti.

Dilshat rishit xitay soda sana'etchilerni rayon'gha meblegh sélishni pilanlawatqanda yalghuz hökümetning teshwiqatinila emes, zémin igiliri bolghan yerlik xelqning arzu-armanliri we ularning iradisinimu nezerdin saqit qilmasliqqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.