قەشقەر پويىز ئىستانسىسىدا ئۇيغۇر ئوقۇغۇچىنىڭ كومپيۇتېرىنى تەكشۈرۈش نارازىلىق قوزغىدى

يېقىندا خىتاي ئۆلكىسىدە ئوقۇۋاتقان بىر ئوقۇغۇچى مىكرو بلوگدا قەشقەر ۋوگزالىدىكى تەكشۈرگۈچىلەرنىڭ ئۇنىڭ قولىدىكى كىملىكنىڭ خىتاي ئۆلكىسىدىن تارقىتىلغانلىقىنى بىلگەندىن كېيىن، ئۇنىڭ يېنىدا ئېلىپ يۈرىدىغان كومپيۇتېرىنى ئالاھىدە تەكشۈرگەنلىكىنى بايان قىلىپ نارازىلىقىنى ئىپادىلىگەن.
مۇخبىرىمىز مېھرىبان
2012.08.31

بۇ ئوقۇغۇچى مىكرو بلوگدا يەنە تۆمۈريول تارماقلىرىغا ئۇچۇر يوللاپ، قەشقەر ۋوگزالىدىكى رادىئودا پەقەتلا خىتاي تىلىدا ئاڭلىتىش بېرىلگەنلىكىنى ئىنكاس قىلىپ، ئۇيغۇرلار كۆپ ساننى ئىگىلەيدىغان قەشقەر ۋوگزالىدا ئۇيغۇرچە ئاڭلىتىش يوقلۇقىنى ئىنكاس قىلغان. ئۇيغۇر بىز تورى مۇخبىرىنىڭ بۇ ھەقتە بەرگەن ئۇچۇرىدىن مەلۇم بولۇشىچە، ئۈرۈمچى تۆمۈريول ئىدارىسى بۇ ئوقۇغۇچىنىڭ نارازىلىقىغا ئىنكاس قايتۇرۇپ، ئۇنىڭ كومپيۇتېرىنىڭ تەكشۈرۈلۈشى نورمال ئىكەنلىكىنى، ھەرگىزمۇ مەلۇم مىللەتكە قارىتىلمىغانلىقىنى بىلدۈرگەن. شۇنىڭدەك ئۇيغۇر رايونىدىكى قاتناش تارماقلىرىدا قوش تىل مۇلازىمىتى بارلىقىنى، قەشقەر ۋوگزالىدىمۇ ئۇيغۇرچە ئاڭلىتىش بېرىلىدىغانلىقىنى ئىزاھلىغان.

رادىئومىز ئىگىلىگەن باشقا ئۇچۇرلاردىن مەلۇم بولۇشىچە، يېقىنقى يىللاردىن بۇيان ئۇيغۇرلارغا قارىتىلغان تەكشۈرۈش بارغانچە كۈچەيتىلگەن. بولۇپمۇ 2-سېنتەبىر باشلىنىش ئالدىدا تۇرغان ياۋرو-ئاسىيا يەرمەنكىسى مەزگىلىدە قاتتىق بىخەتەرلىك تەدبىرلىرى ئېلىنىپ، ھەرقايسى قاتناش تۈگۈنلىرىدىكى تەكشۈرۈش تېخىمۇ كۈچەيتىلگەن.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.