Méng jyenju qeshqerni tekshürgende, döletning muqimliqni saqlash iqtidarini ashurushni tekitligen

Xitayning “Shinjang paytext géziti” élan qilghan xewerdin melum bolushiche, xitayning dölet ishliri komissari, jama'et xewpsizliki ministiri méng jyenju 4‏-ayning 24‏-küni qeshqerni tekshürgen.
Muxbirimiz weli
2011.04.25
Héytgah meschiti, “Xelqni bay qilish we xatirjem qilish qurulushi” dep nam qoyulghan döletbagh yézisidiki 11‏-ahaliler rayoni, xitay-gherbiy asiya baziri qatarliq jaylarni köchürgen. U barghan jaylarda saqchi ponkitlirining nopus ishxanilirigha kirmey qalmighan.

Méng jyenju axirida qeshqer sheherlik partkomda mejlis échip, halqima tereqqiyatni yolgha qoyushta, döletning bixeterliki we jem'iyet muqimliqini saqlash qabiliyitini ashurup méngish kérek dep yolyoruq bergen.

Xitayning “Tengritagh tor géziti” diki uchurlardin melum bolushiche, méng jyenju saqchi ponkitlirining xitay köchmenlirining nopusini téz béjirish üchün layihiligen “Xelqqe asanliq yaritish kartisi” gha razimenlik bildürüp, qeshqer kona shehirini özgertish qurulushi partiyining xelq üchün xizmet qilish prinsipini emelge ashuridighan qurulush, siler hazir heqiqeten xelq üchün xizmet qilidighan orun bolup yétilipsiler, dégen we saqchilar bilen resimge chüshüp xatire qaldurghan.

Uyghurlar yillardin buyan, xitay emeldarlirining “Xelq üchün xizmet qilish” dégen sözini, peqet xitaylar üchünla ishlesh dégendin ibaret dep chüshinidu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.