Shinxu'a agéntliqi qeshqerde yüz bergen weqe heqqide tepsilati yoq uchur tarqatti

Xitayning shinxu'a agéntliqila bügün, qeshqerde yüz bergen weqe heqqide keyni -keynidin xewer élan qildi.
Muxbirimiz weli
2011-07-31
Share

Kech sa'et 6 diki xewiride, qeshqerdiki yémek bazirida, 12 lükchek jinayet sadir qilip, 10 ademni chanap öltürdi we yarilandurdi, buning ichide saqchimu bar. Weqe yüz bergen haman saqchilar ulargha qarshi oq chiqardi, ularning 4 ni neq meydanda étip öltürdi, 4 ni qolgha tutuwaldi, yene 4 i qéchip ketti, dep bayan qildi.

Shinxu'a agéntliqi kech sa'et 8 diki xewiride, ikki neper jinayetchi qeshqerdiki yémek bazirigha baridighan yolda, qizil chiraqta saqlap turghan bir aptomobilini bulap, adem topigha qarap heydep mangghan, aptomobildin chüshüpla adem chanashqa bashlighan. 6 Ademni öltürgen, 28 ademni yarilandurghan. Bu bazardiki xelq birliship heriket qilip, ularning birini öltürgen, birini tutuwalghan, dep bayan qildi.

Roytrs, firansiye, birleshme agéntliq qatarliq bashqa uchur wasitiliri bügün qeshqerdin uchur bérish imkaniyige ige bolmighanliqtin, ular peqet shinxu'a agéntliqining éniqsiz melumatliridinla neqil élip xewer bérip, xitayni weqening tepsilatini yoshurdi dep eyiblidi.

Qeshqer wilayetlik birinchi doxturxana xadimining muxbirimizgha éytip bérishiche, saqchilar bu doxturxanigha 30‏- 40 yash chamisidiki 4 neper xitay yaridarni élip kelgen, ular bash, kökrek, put-qolliri késilip qanap ketken éghirraq yaridarlar iken.

Bularni dawalighanda,saqchilar kéchiche bu doxturxanining jiddiy qutquzush bölümide doktorlarni nazaret qilip turghan. Bu rayonda bu dawalighuchi xadimlar, bügün qeshqerde intérnét torliri étiwétilgechke, zadi néme weqe yüz bergenlikinimu uqalmighan.

Ürümchidiki shinjang géziti bügün qeshqerde yüz bergen bu weqeni xewer qilmay, peqet jang chünshenning shinjang herbiy rayonning birinchi siyasiy komissari bolup herbiy hoquqnimu qoligha alghanliqini tebriklep xewer élan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet