Qeshqerde ikki bimar xitayning saxta dorisini yep ölgen

Xitay sehiye ministirliki bügün pütün memlikettiki doxturlargha, gu'angshi pingnen dora zawuti di'abét késellikini dawalash üchün ishligen dorini qollunishni toxtutush toghrisida buyruq chiqardi.
Muxbirimiz weli
2009-01-31
Share

'Roytrs agéntliqi'ning shangxeydin bayan qilishiche, xitayning shinjang rayonidiki di'abét bimarliri gu'angshi pingnen dora zawutida mexsus di'abét késellikini dawalash üchün ishlen'gen 'tangjizhning' markiliq dorini yep ölgendin kéyin, xitay hökümiti bu buyruqni chiqarghan.

Xitayning 'shinjang géziti' de bügün bayan qilinishiche, qeshqerde gu'angshi pingnen dora zawuti mexsus di'abét késellikini dawalash üchün ishligen 'tangjizhning' markiliq dorini yégen ikki bimar 1‏ - ayning 17‏ - we 19 ‏ - künliri ölgen. Aptonom rayonluq dora tekshürüsh ornining éniqlishiche, gu'angshida di'abét késellikini dawalash üchün ishlen'gen bu dorigha zeherlik ximiyiwi birikme qétilghan.

Xitaydiki sehiye tarmaqlirining yene bir tor bétide éytilishiche, qeshqer rayonining yeken nahiyiside ikki bimar gu'angshida mexsus di'abét késellikini dawalash üchün ishlen'gen bu xil dorini yep ölgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet