Қәшқәр вилайитидә уйғурларниң интернет әркинликигә чәклимә қоюш үчүн мәхсус уқтуруш тарқитилди

Бүгүн дуня уйғур қурултийиниң баянатчиси дилшат ришитниң радиомиз уйғур бөлүмигә билдүрүшичә, қәшқәр вилайити тәвәсидә, қәшқәр вилайәтлик җамаәт хәвпсизлик идариси, тәптиш идариси һәм оттура хәлқ сот мәһкимиси йеқинда бирләшмә уқтуруш чиқирип, вилайәт тәвәсидики уйғурларниң интернеттики паалийәтлиригә чәклимә қойған шундақла хилаплиқ қилғучиларға қарита мунасивәтлик җазалаш тәдбирлири қоллинидиғанлиқини елан қилған.
Мухбиримиз миһрибан
2010.05.04
Share on WhatsApp
Share on WhatsApp

Уқтурушта райондики уйғурларниң интернеттики паалийәтлиригә қоюлидиған чәклимиләр һәққидә тохтилип,"интернет һәм телефонда дөләтни парчилаш мәзмунидики һәр қандақ әдәбий әсәрни елан қилғучилар; қанунсиз диний әқидиләр, диний тәблихләрни тарқатқучилар; милләтләр иттипақлиқиға зиян йетидиған мәзмунидики учурларни йоллиғанлар; милләтләр арисидики миллий өчмәнликни урғутидиған хәвәр - учурларни йоллиғучилар; партийә һөкүмәт органлири һәм кадирлар үстидин өсәк сөз тарқитип, уларға интернеттә һуҗум қилғучиларниң 'җуңхуа хәлқ җумһурийитиниң дөләт асасий қануни' һәм 'җуңхуа хәлқ җумһурийитиниң дөләт бихәтәрлик қануни' дики мунасивәтлик бәлгилимиләргә асасән қануний җазаға тартилидиғанлиқи," һәм уларға берилидиған җазаларниң тәпсилати елан қилинған.

Дуня уйғур қурултийиниң баянатчиси дилшат ришит әпәндиниң билдүрүшичә, бу уқтуруш хитай һөкүмитиниң " 5 - июл үрүмчи вәқәси"дин кейин уйғурларға қаратқан учур - алақә чәклимисиниң йәнә бир муһим испати икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.