Qeshqer xitay chégra mudapi'e qisimi xelqning könglini élish istratégiyisi qollanmaqta

Xitayning chégra mudapi'e toridin ashkarilinishiche, xitayning qeshqerde turushluq chégra mudapi'e qisimi, bu aydin bashlap " xelqni söyüp, chégrini qoghdash" isitratégiyisini otturigha qoyghan.
Muxbirimiz gülchéhre
2009-04-30
Share

Mezkür isitratégiyide xitay jengchi, ofétsirlirining chégra mudapi'e qisimi jaylashqan rayondiki yerlik déhqan, charwichilar bilen yenimu yéqinlishish, ulargha xalisane yaxshi ish qilip bérip xelq eskerlirining xelqni söyüsh idiyisini namayen qilip, "xelqning armiyidin ayrilalmaydighan, armiyiningmu xelqtin ayrilalmaydighanliqi" ni yenimu tonush hemde yerlik amma bilen her jehette hemkarlishishni ishqa ashurushqa da'ir bir qatar tedbirler belgilen'gen.

Nöwette qeshqer chégra mudapi'e qisimidiki xitay jengchi, ofétsirliri yerlik déhqanlarning déhqanchiliq, charwichiliq ishlirigha yardemlishish, déhqanlarning sirtlargha yötkilip ish tépishigha yardemlishish, téxnika jehette yardemlishish, iqtisadiy qiyinchiliqi barlargha, ajiz yitim ‏ - yisirlargha yardemlishishke oxshash pa'aliyetlerge orunlashturulmaqta iken.

Bu arqiliq ular, chégra eskerlirining xelqni söyüsh, xelqni qoghdash, chégrani mudapi'e qilish rohidin xelqni tesirlendürüp, xelq bilen bolghan ijilliqini ashurmaqchi iken.

Qeshqer xelqining inkaslirigha qarighanda, ular qeshqerge jaylashqan xitay chégra mudapi'e qisimining yillardin buyan, künde sheher ichide herbiy meshqlerni qilip xelqqe heywe kürsitip kéliwatqanliqidin bizar bolghan.

Qeshqer chégra mudapi'e qisimining 70 neper xitay eskerliri 2008 - yili 4 - awghustta semen yolida ettigenlik yügreshke chi'iqqanda ikki neper Uyghurning tuyuqsiz hujumigha uchrap, 17 si ölüp, yene 16 si yarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet