Қәшқәр вилайити биринчи пәслидә 200 миң адәмни сиртқа ишләшкә йөткиди

2009 - Йилиниң дәсләпки мәзгилидә зор түркүмдә әмгәк күчи сиртларға йөткәлгән болуп, қәшқәр һөкүмәт ахбарати 2009 - йилиниң биринчи пәслидә мәзкур вилайәт тәвәсидин 200 миң 400 адәмниң сиртқа ишләшкә йөткәлгәнликини илгири сүрмәктә.
Мухбиримиз җүмә
2009-05-26
Share

Қәшқәр хәвәрләр торида бу һәқтә берилгән хәвәрдә көрситишичә, қәшқәр вилайити әмгәк күчлирини сиртларға йөткәш хизмитидә " икки қолда тутуш принсипи "да чиң туруп кәлгән болуп, нәтиҗидә сиртларға йөткәлгән деһқан әмгәкчиләр нисбити алдинқи йилниң охшаш мәзгилдикидин 35.04 Пирсәнт ашурулған.

Хәвәрдә оттуриға қоюлушичә, қәшқәр вилайитидә әмгәк күчлирини сиртларға йөткәш хизмити "пәсиллик болуш характеридин қелиплишиш" һалитигә өзгәртилип әмгәкчиләрни даим сиртларға йөткәш механизми шәкилләнгән.

Қәшқәр вилайити уйғурлар топлишип олтурақлашқан районларниң бири. Хитай һөкүмити деһқанларниң киримини ашуруш баһанисидә 2004 - йилидин буян уйғур қизлирини асас қилған әмгәкчиләр қошунини хитай өлкилиридики завутларға йөткәп келиватқан болуп, уйғур қизлириниң хитай завутлирида һәр хил дәпсәндичиликләргә йолуқуватқанлиқиға аит хәвәрләрму мәйданға кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт