Qeshqer wilayiti birinchi peslide 200 ming ademni sirtqa ishleshke yötkidi

2009 - Yilining deslepki mezgilide zor türkümde emgek küchi sirtlargha yötkelgen bolup, qeshqer hökümet axbarati 2009 - yilining birinchi peslide mezkur wilayet tewesidin 200 ming 400 ademning sirtqa ishleshke yötkelgenlikini ilgiri sürmekte.
Muxbirimiz jüme
2009-05-26
Share

Qeshqer xewerler torida bu heqte bérilgen xewerde körsitishiche, qeshqer wilayiti emgek küchlirini sirtlargha yötkesh xizmitide " ikki qolda tutush prinsipi "da ching turup kelgen bolup, netijide sirtlargha yötkelgen déhqan emgekchiler nisbiti aldinqi yilning oxshash mezgildikidin 35.04 Pirsent ashurulghan.

Xewerde otturigha qoyulushiche, qeshqer wilayitide emgek küchlirini sirtlargha yötkesh xizmiti "pesillik bolush xaraktéridin qéliplishish" halitige özgertilip emgekchilerni da'im sirtlargha yötkesh méxanizmi shekillen'gen.

Qeshqer wilayiti Uyghurlar topliship olturaqlashqan rayonlarning biri. Xitay hökümiti déhqanlarning kirimini ashurush bahaniside 2004 - yilidin buyan Uyghur qizlirini asas qilghan emgekchiler qoshunini xitay ölkiliridiki zawutlargha yötkep kéliwatqan bolup, Uyghur qizlirining xitay zawutlirida her xil depsendichiliklerge yoluquwatqanliqigha a'it xewerlermu meydan'gha kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet