Qeshqer kona sheher rayonidiki öylerni mejburi chéqish dawamlashmaqta

Tengritagh torining 5 - ayning 21 - künidiki xewiride körsitilishiche, qeshqer kona sheher rayonidiki öylerni qayta özgertip yasash qurulushi dawamlishiwatqan bolup, xitay merkizi axbarat agéntliqining, muxbirlar ömiki qeshqerge kélip qeshqer kona sheher rayonidiki özgertip yasash qurulush ehwali heqqide mexsus ziyaret élip bériwétiptu.
Muxbirimiz mihriban
2009-05-21
Share

Xitay hökümitining qeshqer shehirige xitay merkizi axbarat agéntliqining muxbirini ewetishi hergizmu tasadipiy ehwal emes, chünki bu yilning béshida, xitayning Uyghur aptonom rayonidiki hökümet da'irilirining Uyghur milli medeniyitining qedimi böshükliridin biri bolghan, qeshqer shehrining kona sheher rayonidiki, Uyghurlar zich topliship olturaqlashqan mehellilerdiki, Uyghur milli binakarliq uslubi gewdilendürülgen, Uyghur eneniwi örp - adet we medeniyet puriqi qoyuq bolghan, Uyghur mehellirini chaqmaqchi bolghanliqi heqqidiki xewer tarqilishi bilenla, bu ish Uyghur xelqining qattiq naraziliqini hemde xelq'ara közetküchilerning diqqitini qozghighan.
 
Uyghur ziyaliyliri tor betliride maqale élan qilip, xitayning Uyghur élidiki hökümet da'irilirining qeshqerdiki bu qedimi medeniyet izini yoqatmaqchi bolghanliqini tenqidligen idi. Xitayning Uyghur élidiki hökümet da'iriliri qeshqerdiki yerlik Uyghurlarningmu naraziliqliri hem qarshiliqlirigha uchrighan idi.

Bu yil 3 - ay mezgilliride Uyghur aptonom rayonluq xitay hökümet da'irilirining qeshqer shehrini tereqqiy qildurush namida qeshqer shehiridiki bu qedimiy sheher rayonigha jaylashqan turalghu larni chéqish herikiti xelqaradimu küchlük qarshiliq inkaslirini qozghighan bolup, amérikida chiqidighan "washin'gton pochtisi" gézitide mezkur gézitning béyjingdiki ishxanisining mudiri mo'urrin fangning "bir qedimiy medeniyet yer bilen yeksan qilinmaqta" mawzuluq maqalisi élan qilin'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet