Қәшқәр қәдимий районидин 200 миңға йеқин нопус көчүрүлидикән

Қәшқәр қәдимий шәһирини чеқиш көлими барғанчә кеңийиватқан болуп, шинхуа ахбаратида көрситилишичә, хитай һөкүмити мәзкур чеқиш қурулушиға 3 милярд йүән хитай пули мәбләғ салған вә чеқиш қурулушини изчиллаштурған.
Мухбиримиз җүмә
2009-06-08
Share

Ғәрб мәтбуатлирида қәдимий қәшқәрниң чеқилиши қәдимий мәдәнийәт изнасиниң йоқитилиши дәп көрситилгән вә уйғур җамаити арисида наразилиқ пикирлирини қозғиған иди.

Һалбуки шинхуа ахбаратида берилгән хәвәрдә қәдимий қәшқәрниң кочилири тар, су туруба, әврәз йоллири, учур - алақә, от өчүрүш қатарлиқ асаси муәссәсә қурулушиға тосалғу пәйда қилғанлиқи илгири сүрүлгән вә " қәшқәрниң тарихи мәдәнийәтлик даңлиқ шәһәр алаһидиликини сақлап қелиши үчүн бәш йил ичидә қәдимий шәһәр районини өзгәртип аһалә көчүрүш елип берилиду" дейилгән.

Хәвәрдин мәлум болушичә, қәшқәр қәдимий районида яшайдиған 51 миң өйлүк 200 миңға йеқин нопус көчүрүлидикән. Нөвәттә чәтәлләрдики уйғур җамаити қәдимий қәшқәрни вәйранчилиқтин қоғдап қелиш учун чарә издимәктә.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт