Qeshqerde 1300 yildin artuq tarixqa ige xanliq medris chéqip tashlandi

Qeshqerdiki Uyghurlarning inkasigha qarighanda, 1300 yildin artuq tarixqa ige qeshqer xanliq medrisi xitay da'irilirining qeshqer qedimiy sheher restilirini chéqip tüzesh pilani boyiche chéqip tashlan'ghan.
Muxbirimiz gülchéhre
2009.06.16

13 - Iyun qeshqerdiki öy chéqishqa mes'ul orunlar topa ittirish mashiniliri bilen xanliq medrisini chiqishqa kirishken, gerche mezkur medris nechche yüz yil burun sélin'ghan imaret bolsimu, yenila intayin mezmut saqlan'ghan bolghachqa, da'irilerning mezkur meschitni chéqish ishliri töt kündin buyan dawamlashmaqta iken.

Qeshqer xanliq medrisi azna meschit bilen bir tutash bolup se'idiye xanliqining axirqi mezgilliride texminen miladi 1625 ‏ - yilliri berpa qilin'ghan, qeshqerde hazirgha qeder mukemmel saqlan'ghan islam mémarchiliqining namayendisi shundaqla bu medris 1933 - yiligha kelgende qeshqer sheherlik 1 - bashlan'ghuch mektepke qoshulup ketken.

Mezkur medrise, qurulghan dewirlerdin bashlap dunyaning her qaysi jayliridin kelgen alim, peylasop, sha'irlar ilim tehsil qilghan, ottura asiya,ottura sherq ellirige dangqi ketken ilim yurti bolghan. Mezkur medrise türkiy milletlerning alemshumul alimi mehmud qeshqirige oxshash Uyghurlarning pexirlik alim, ölimalirigha bilim bergen medrise idi.

Inkas qilghuchilarning bildürüshiche, medris chéqilghanda uning témida 1996 - yili ésilghan aptonom rayon boyiche 1 - derijilik qoghdilidighan orun dégen wiwiska bar idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.