Қирғизистанниң бир парламент әзаси вәтинидин айрилишқа мәҗбур болди

Қирғизистан парламентидики бир юқири дәриҗилик өктичи партийә әзаси, бихәтәрлик мәсилиси түпәйли қирғизистандин вақитлиқ айрилишқа мәҗбур болғанлиқини билдүрди.
Мухбиримиз җүмә
2009.09.28
Share on WhatsApp
Share on WhatsApp

Франсийә агентлиқида көрситилишичә, парламент әзаси бақит бәшимов, қирғизистан президенти қурманбек бақийивқа болған қарши пикри түпәйли, өч елиши обйектиға айланғанлиқи, нәтиҗидә қирғизистандин айрилғанлиқини билдүргән. У бу һәқтә узақ ойланғандин кейин, мәзкур қарарға кәлгәнлики, чүнки башқиларниң уни бу йил авғустта пүтүнләй йоқатмақчи болғанлиқини билдүргән.

Бақит бәшимнов бу йил июлдики қирғизистан президентлиқ сайлими җәрянда қирғизистан президенти қурманбек бақийвқа қарши сайламға чүшкән алмасбек атамбайевниң сайлам паалийитини баш болуп тәшкиллигән парламент әзаси иди.

Мәлум болушичә, бу йил июлда қирғизистанда елип берилған сайламда бақийев қайта сайланғандин кийин, бақит бәшимов америкиға кәлгән.

У, франсийә агентлиқиға бәргән баянатида қурманбек бақийев һөкүмитиниң қанунсиз һөкүмәт икәнлики, шуңа бу һөкүмәтни тонумайдиғанлиқини билдүргән вә қирғизистанда демократийини илгири сүрүш учун тиришчанлиқ көрситидиғанлиқини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.