Америка билән русийә қирғизистандики вәзийәтни муқимлаштурушта ортақлишиду

28 - Май күни америка дөләт ишлири министириниң ярдәмчиси җорҗ крол москваға йетип келип, русийә ташқи ишлар министириниң ярдәмчиси григорий красин билән учришип, қирғизистан вәзийәти һәққидә мәхсус сөһбәтләшкән.
Мухбиримиз үмидвар
2010.05.30

Пәрғанә агентлиқиниң русийә ташқи ишлар министирлиқиниң учур мәнбәлиридин нәқил кәлтүрүшичә, улар қирғизистандики вәзийәтни музакирә қилған болуп, сөһбәтниң ичидә қирғизистанда болидиған йеңи асасий қанун вә парламент сайлими қатарлиқларму орун алған.

Музакириләр нәтиҗисидә, америка билән русийиниң қирғизистандики вәзийәт һәққидики қарашлирида йеқинлиқ шәкиллинип, мәзкур җумһурийәт вәзийитини муқимлаштурушта һәмкарлишишқа келишкән.

Мәлумки, 7 - априлда бишкәктә йүз бәргән вәқәдин кейин сабиқ президент бақийеф җалалабадқа қечип кетип вәзийәтни турақсизлаштурғанда, русийә, америка вә қазақистан тәрәп униң бу җумһурийәттин кетиши шуниңдәк вәзиписидин истипа беришигә тәсир көрсәткәнлики мәлум.

Америка вә русийә тәрәп йеңи һөкүмәткә иқтисадий вә инсанпәрвәрлик ярдими беридиғанлиқини җакарлиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.