Қирғизистанда парламент сайлими 10 - өктәбир елип берилиду

Қирғизистан вақитлиқ һөкүмити сәйшәнбә күни қирғизистандики парламент сайлиминиң 10 - өктәбир күни елип берилидиғанлиқини елан қилди. Қирғизистан президенти роза отунбайева техи йеқиндила йүз бәргән етник тоқунуштин кейин оттура асияниң муқимлиқни сақлап қелиш үчүн сайламниң зөрүр икәнликини билдүрди.
Мухбиримиз ирадә
2010.08.10
Share on WhatsApp
Share on WhatsApp

Франсийә агентлиқиниң хәвәр қилишичә, роза отунбайева бүгүн елан қилған қарарнамисида һөкүмәттин сайламдин авалқи бихәтәрлик хизмәтлирини яхши ишләшни тәләп қилған. Қирғиз вақитлиқ һөкүмити бу йил 6 - айда асасий қанунида ислаһат елип берип, парламентқа техиму кәң һоқуқ беридиған бир асасий қанунни мақуллиған иди.

Қирғизистан 4 - айда сабиқ президент қурманбек бақийеф ағдурулғандин бери парламентсиз турмақта. Униң үстигә дөләттә арқа  - арқилап мәйданға кәлгән тоқунушларда 350 тин артуқ киши өлүп, 400 миңдин артуқ киши өй  - маканлиридин айрилған иди.

Қирғизистандики тоқунушларниң айиғи һелиһәм тәлтөкүс үзүлмәй кәлмәктә. Қирғизистан дуняда америка вә русийиниң һәрбий базилири тәң мәвҗут болған дөләт болуп, униң муқимлиқи район үчүн муһим дәп қаралмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.