Qirghizistanda parlaméntqa kirelmigen partiyiler saylam netijisige étiraz bildürdi

Anatoliye agéntliqining xewer qilishiche, qirghizistan saylam komitétining bashliqi aqilbék sariyéw bu heqte bayanat bergen bolup, melum bolushiche, "zamandash" we "heqiqet" partiyiliri saylam komitétigha iltimas sunup saylam béletlirining qaytidin sanilishini, "pütün qirghizistan partiyisi" bolsa 10 - öktebirdiki saylamning inawetsiz qilinishini telep qilghan.

Emma saylamda parlaméntqa kirishke muweppeq bolghan 5 partiye bolsa saylam netijisidin memnun bolghanliqini, saylamlarning démokratik usulda élip bérilghanliqini, özlirining qirghizistanning iqtisadini yuqiri kötürüsh üchün xizmet qilidighanliqini bildürgen.

Qirghizistanda élip bérilghan saylamda 5 partiye parlaméntqa kirgen. Emma héchbir partiye öz aldigha hökümet teshkilligüdek awazgha érishelmigen idi. Nöwette, mezkur 5 partiyining birleshme hökümet teshkillishi kütülmekte.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar