Қирғизистанниң җәнубида йәнә етник җедәл йүзбәрди

Қирғизистанниң җәнубидики таҗикистан билән чегридаш баткәнт областиниң ләйләк районидики андарак йезисида 29 - декабир күни таҗиклар билән қирғизлар арисида тоқунуш келип чиққан.

2012.01.01
Share on WhatsApp
Share on WhatsApp

Пәрғанә учур ториниң йезишичә, бу вәқә таҗик кишиләр һәйдигән машина йолдин өткән үч қирғиз оқуғучини соқуветиштин келип чиққан болуп, йәрлик сақчи даирилири бу таҗикларни тутуп, сақчи понкитиға елип маңғанда, 150дин 200 ғичә болған сандики таҗиклар тутқун қилинған таҗикларни сақчи понкитидин қайтуруп кәлгән. Буни аңлиған 500 әтрапида қирғиз наразилиқ билдүрүп тутулған таҗикларни қайтуруп беришни тәләп қилған, арқидин таҗиклардин 1000 әтрапида киши топлинип, уларға қарши турған, нәтиҗидә икки тәрәп арисида җедәл чиққан.

Пәрғанә ториниң йезишичә, ғәзәпләнгән қирғиз пуқралар икки ботка дукан вә бир навайханини көйдүривәткән. Җедәл җәрянида бир машина көйдүриветилгән. Әмма, йәрлик сақчи вә һөкүмәт даирилири җиддий һәрикәт қилип, икки тәрәп арисида чүшәндүрүш паалийәтлирини елип барғандин кейин җедәл ахирлишип, кәң көләмлик тоқунуш вәқәлириниң алди елинған.

2010 - Йили,6 - айда қирғизистанниң ош вә җалалабад шәһәрлиридә өзбекләр билән қирғизлар арисида кәң көләмлик тоқунуш келип чиқип, һөкүмәт тәрәп икки тәрәптин өлгәнләрниң 400 дин ашқанлиқини мәлум қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.