Qirghizistanning jenubida yene étnik jédel yüzberdi

Qirghizistanning jenubidiki tajikistan bilen chégridash batkent oblastining leylek rayonidiki andarak yézisida 29 - dékabir küni tajiklar bilen qirghizlar arisida toqunush kélip chiqqan.

2012-01-01
Share

Perghane uchur torining yézishiche, bu weqe tajik kishiler heydigen mashina yoldin ötken üch qirghiz oqughuchini soquwétishtin kélip chiqqan bolup, yerlik saqchi da'iriliri bu tajiklarni tutup, saqchi ponkitigha élip mangghanda, 150din 200 ghiche bolghan sandiki tajiklar tutqun qilin'ghan tajiklarni saqchi ponkitidin qayturup kelgen. Buni anglighan 500 etrapida qirghiz naraziliq bildürüp tutulghan tajiklarni qayturup bérishni telep qilghan, arqidin tajiklardin 1000 etrapida kishi toplinip, ulargha qarshi turghan, netijide ikki terep arisida jédel chiqqan.

Perghane torining yézishiche, ghezeplen'gen qirghiz puqralar ikki botka dukan we bir nawayxanini köydüriwetken. Jédel jeryanida bir mashina köydüriwétilgen. Emma, yerlik saqchi we hökümet da'iriliri jiddiy heriket qilip, ikki terep arisida chüshendürüsh pa'aliyetlirini élip barghandin kéyin jédel axirliship, keng kölemlik toqunush weqelirining aldi élin'ghan.

2010 - Yili,6 - ayda qirghizistanning osh we jalalabad sheherliride özbékler bilen qirghizlar arisida keng kölemlik toqunush kélip chiqip, hökümet terep ikki tereptin ölgenlerning 400 din ashqanliqini melum qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet