Қирғизистан президенти русийини зиярәт қилди

Қирғизистан президенти алмасбек атамбайеф 23 - февралдин 25 - февралғичә болған арилиқта русийидә зиярәттә болди. Фәрғанә учур ториниң хәвәр қилишичә, атамбайеф билән русийә президенти медведев оттурисидики сөһбәттә асаслиқи иқтисадий вә һәрбий - сиясий һәмкарлиқ мәсилилири муһакимә қилинған.
Мухбиримиз үмидвар
2012.02.26
Share on WhatsApp
Share on WhatsApp

Хәвәрдин мәлум болушичә, москвадики достлуқ бағчисида қирғизларниң ривайәтләрдики қәһримани манасниң чоң һәйкили орнитилған болуп, алмасбек атамбайеф һәйкәлниң йопуқини ечиш мурасимиға қатнашқан һәмдә русийә билән қирғизистанниң әнәниви мунасивәтлиригә юқири баһа бәргән.

Интерфакисниң хәвәрлиридин мәлум болушичә, русийә вә қирғизистан рәһбәрлири арисида бишкәк шәһири йенидики қәнт райониға җайлашқан русийә һава армийә базисиниң һәққини төләш муһакимә қилинип, бишкәк тәрәп русийидин төләнмигән иҗарә һәққини беришни тәләп қилған. Бирақ қирғизистан русийиниң йерим милярд доллар әтрапида қәрзигә болғулған болуп, уни кәчүрүм қиливетишкә муһтаҗ икән. Тәһлилчиләр, нөвәттә қирғизистан билән русийиниң әң юқири сәвийидики мунасивәт дәвригә киргәнликини оттуриға қоюшмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.