Qirghizistan prézidénti rusiyini ziyaret qildi

Xewerdin melum bolushiche, moskwadiki dostluq baghchisida qirghizlarning riwayetlerdiki qehrimani manasning chong heykili ornitilghan bolup, almasbék atambayéf heykelning yopuqini échish murasimigha qatnashqan hemde rusiye bilen qirghizistanning en'eniwi munasiwetlirige yuqiri baha bergen.

Intérfakisning xewerliridin melum bolushiche, rusiye we qirghizistan rehberliri arisida bishkek shehiri yénidiki qent rayonigha jaylashqan rusiye hawa armiye bazisining heqqini tölesh muhakime qilinip, bishkek terep rusiyidin tölenmigen ijare heqqini bérishni telep qilghan. Biraq qirghizistan rusiyining yérim milyard dollar etrapida qerzige bolghulghan bolup, uni kechürüm qiliwétishke muhtaj iken. Tehlilchiler, nöwette qirghizistan bilen rusiyining eng yuqiri sewiyidiki munasiwet dewrige kirgenlikini otturigha qoyushmaqta.