Qirghizistan soti sabiq qirghizistan prézidénti qurmanbék baqiyéfqa 24 yilliq qamaq jazasi élan qilghan.

2010 - Yilidiki siyasiy özgirish sewebi bilen bélarusiyige qéchip bérip panahliniwatqan sabiq qirghiz prézidénti qurmanbék baqiyéf üstidin échilghan bu sotta gerche baqiyéf özi bolmisimu, emma uning üstidin dölet rehbirilik mensipini suyi'istémal qilip, memliketke éghir ziyan yetküzüsh jinayiti artilghan.
Muxbirimiz ümidwar
2013-02-17
Élxet
Pikir
Share
Print


Uning mal - mülki musadire qilin'ghan.

Emma, baqiyéfning inisi, sabiq dölet xewpsizlik idarisining rehbiri janish baqiyéfqa bolsa qatilliq we bashqa bir qatar jinayetler artilip, muddetsiz qamaq jazasigha höküm qilin'ghan.

Qirghizistan hökümiti sabiq qirghizstan prezidénti qurmanbék baqiyéfni köp qétim bélarusiye hökümitidn qayturup bérishni telep qilghan bolsimu, biraq bélarusiye prézidénti aléksandir lukashénko bishkekning telipini ret qilghan.

13 - Féwral küni bishkek shehiride yene 2000 kishilik namayish yüz bergen bolup, namayishchilar 2010 - yilidiki weqe jeryanida yüz bergen bulangchiliq weqeliri hem bashqilarni tenqid qilghan. Nöwette, qirghizistanda öktichilik heriketliri yenila dawamlashmaqta.

Toluq bet