Бир қисим қирғиз парламент әзалири русийиниң нарин дәрясида су амбири қурушиға қарши чиқти

Қирғизистан парламентиниң юқири кеңишиниң бир қанчә нәпәр әзаси парламентниң русийә билән түзүлгән сир дәрясиниң башлиниш нуқтиси һесаблинидиған нарин дәрясида су дамбиси вә “камбарата г ә с - 1” намлиқ чоң көләмдики су електир истансилирини қуруш һәққидики келишимни тәстиқлашқа қарши чиқти.
Мухбиримиз үмидвар
2013.01.20
Share on WhatsApp
Share on WhatsApp


Қирғизистан “24.Кг” агентлиқиниң хәвәр қилишичә, бу келишимни тәстиқлашқа өктичи партийә “ата макан” партийисиниң рәһбири өмүрбек текәбайеф қарши турған. Буниңдин илгири йәнә “атаҗурт” партийисидин келип чиққан парламент әзалириму қарши турған иди.

Қарши чиққан парламент әзалири русийиниң мәбләғ селиши билән қарилидиған мәзкур су електр истансилириниң қирғизистан дөләт мәнпәәтигә намувапиқ икәнлики, асаслиқ мәнпәәтниң русийә тәрәптә болидиғанлиқини әскәртишкән.

Русийиниң қирғизистан билән бирлишип, сир дәрясиниң башлиниш нуқтиси болған нарин дәрясиниң юқири еқимида су електр истансиси вә су амбарлирини қуруши өзбекистан, қазақистан қатарлиқ дөләтләрни әндишигә салған болуп, өзбекистан президенти буниңға нисбәтән қаттиқ мәйданини билдүргән иди.Чүнки сир дәрясиниң су мәнбәси русийә тәрипидин қамал қилинса, өзбекистан вә қазақистан еғир мәсилиләргә дуч келидикән. Бу һал оттура асия дөләтлири арисидики мунасивәткә сәлбий тәсир пәйда қилиши мумкин

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.