Qirghiz we rusiye 20 qirghizistanda birlikte su éléktr istansisi qurushqa pütüshti

Tashkentning étiraz bildürüshige qarimighan qirghiz we rusiye da'iriliri 20 - séntebir béshkekte kélishim hazirlap, qirghizistanda birlikte su éléktr istansisi qurushqa pütüshti.
Muxbirimiz jüme
2012-09-22
Share


Kélishim rusiye prézidéntni putinning qirghizistan'gha qaratqan ziyariti jeryanida hasil qilin'ghan. Bu nöwet ikki terep arisida kambarata - 1 su éléktr istansisi qatarliq 4 su éléktr istansisini birlikte qurush, rusiyining qirghizistanda yene herbiy baza qurushigha ruxset qilishtin ibaret jem'iy 6 türlük kélishim hasil qilin'ghan.

Kélishim boyiche, kambarata - 1 éléktr istansisi we narin deryasigha qurulidighan su éléktr istansiliri 2013 - yili qurulushqa bashlaydighan bolup, bularni rusiyining “Rusgidro” éléktr énérgiye shirkiti bilen qirghizistan su éléktr énérgiyisi shirkiti birlikte quridiken we paydisini teng bölüshidiken.

Narin deryasi özbékistanning perghane wadisini su bilen teminleydighan asasliq derya bolghachqa, özbékistan da'iriliri mezkur su éléktr istansining qurulushigha qattiq qarishi turup kéliwatqan idi.

Özbék prézidéntini islam kerimof yéqinda bu heqte bergen bayanatida mezkur su éliktur istansisi qurulsa ikki dölet arisida urush partlaydighanliqini agahlandurghan idi.

Halbuki qirghizistan hökümiti éliktur istansisini rusiye bilen birlikte quridighanliqini, 50 pirsent paychékini rusiye da'iriliri kontrol qilidighanliqini élan qilip, özbékistanni qéyin ehwalgha chüshürüp qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet