Qirghizistanda 47 neper Uyghur tijaretchi qirghiz saqchilirining zorawanliqigha uchridi
2011.06.22
Qirghiz saqchiliri soraq dawamida Uyghur tijaretchilerni qanunsiz tijaret qilish bohtani bilen tehdit salghan؛ emma héchqandaq pakit körsetmigen.
Qirghiz saqchilirining qesten ish chiqiriwatqanliqini bayqighan Uyghur tijaretchiler, saqchilargha 100 dollardin 500 dollargha qeder para bérish arqiliq awarichiliktin qutulghan.
Qirghiz saqchiliri 11 neper tijaretchining pasportigha qara tamgha bésip, ularning 5 yilghiche qirghizistan chégrasidin kirishini chekliwetken؛ arqidin yene qara tamghini öchürüshke yardem qilidighanliqini bildürüp, Uyghur tijaretchilerdin yene para telep qilghan.
Bezi tijaretchiler qirghizistandiki xitay elchixanisigha téléfon qilip, qirghiz saqchilirining yolsizliqlirini melum qilghan bolsimu, xitay elchixanisidikilerning héchqandaq hésdashliq yaki himayisige érishelmigen.