Qirghizistanda xitay ishchilar bilen qirghizlar arisida keng kölemlik toqunush yüz berdi

Qirghizistandiki xitay ishchilar bilen qirghizlar arisida chong kölemlik toqunush kélip chiqqan.
Muxbirimiz irade
2012-10-25
Share

B b s xewer qanilining bügün xewer qilishiche, qirghizistandiki xitay meblegh salghan altun kéni bolghan tatbulaq altun kanida ishleydighan xitay ishchilar meshghulat qiliwatqanda, shu yerde kétiwatqan bir atliq qirghizgha topa qézish mashinisi bilen üsüp, uning étini bésip öltürüp qoyghan. Bu ish yerlik qirghizlarning naraziliqini qozghighan. Netijide 21-öktebir küni kan etrapidiki yéza ahaliliri xitay ishchilar bilen toqunushqan. Toqunushta yerliklerdin 4 kishi béshidin yarilinip, doxturxanigha apirilghan.

Etisi, shu yézidiki 450 tek qirghiz ahalisi namayish qilip, qirghiz hökümitidin xitay ishchilarni qoghlap chiqirip, altun kanlargha yerliklerdin ishchi qobul qilishni telep qilghan. Qirghiz da'iriliri nöwette yéza etrapidiki bixeterlik tedbirlirini kücheytken we 300 etrapidiki xitay ishchini bashqa yézilargha yötkigen.

Xitayning yershari waqit géziti weziyetning kontrol astigha élin'ghanliqini tilgha alghan bolsimu, qirghiz da'iriliri altun kanining bu toqunush sewebidin hazirche ish bashliyalmaydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet