Qirghizistanda musteqil bolghandin kéyinki tunji su éléktir istansisi ishqa kirishtürüldi

Qirghizistan düshenbe küni musteqil bolghandin kéyinki tunji su éléktir istansisini ishqa kirishtürdi. Roytérsta körsitishiche, qurulushqa jem'iy 200 milyon dollar serp qilin'ghan bolup, mebleghning bir qismini rusiye teminligen.
Muxbirimiz jüme
2010-08-30
Share

Qirghizistan ötkünchi hökümitining prézidénti roza otunbayéwa, istansining resmiy ishqa kirishtürülgenlikini jakarlighan. U mundaq dégen: "bu dölitimizning güllinishige töhpe qoshudu. Buningdiki netijimiz dölitimizning musteqil halda yashnap kételeydighanliqining namayendisi."

Mezkur éléktir istansisi qurulushi 1990 - yili toxtitip qoyulghan bolup, üch yil burun eslige keltürülgen. Mezkur su éléktir istansisining su menbesi mesilisi bezi qoshna döletlerde jiddiylik peyda qilidighanliqi ilgiri sürülmekte.

Melum bolushiche, özbékistan we tajikistanning bir qisim su menbesi qirghizistandin kélidighan deryalargha tayinidiken. Eger qirghiz da'iriliri özidin éqip ötidighan deryalarning süyini köplep ishletse, bu, qoshna döletlerde su qisqiliq mesilisi keltürüp chiqiridiken.

Téxi bu yil iyunda qirghizistandiki özbékler bilen qirghizlar arisida étnik toqunush yüz bergen we qirghizlar jalal'abad qatarliq rayonlarda özbék puqralirini hujum nishani qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet