500 Ming qirghizistan liq rusiyide tirikchilik qilmaqta

Rusiyining régnum agéntliqining xewer qilishiche, almasbék atambayéf sözide nöwette, qirghizistanning éghir iqtisadiy we ijtima'iy qiyinchiliq ichide yashawatqanliqi, ishsizliqning éghirliqi, bundaq ehwalda köchmen emgek küchlirining qirghizistandiki jiddiy ijtima'iy we iqtisadiy bésimlarni yéniklitishte rol oynawatqanliqini mu'eyyenleshtürgen.

Qirghiz bash ministiri bu nuqtidin chiqish qilip özlirining rusiye terep bilen rusiyide tirikchilik qiliwatqan qirghizistanliqlarning qanuniy we emgek hoquqliri hem rusiye bilen qirghizistanning soda-iqtisadiy munasiwetlirini chongqurlashturush üchün tirishchanliq körsitiwatqanliqini bildürgen.

Xewerde éytilishiche, rusiyide tirikchilik qiliwatqanlarning mutleq köp qismi qirghizistanning jenubiy wilayetliridin ketkenler iken.

Nöwette, bir milyon etrapida tajikistanliq, 6-7 milyon etrapida özbékistanliqning rusiyige kétip her xil ishlar bilen shughullinip tirikchilik qiliwatqanliqi melum. Bu kishiler rusiyide tapqan pullirini öz döletliridiki qérindashlirigha we a'ilisige ewetish ariliq ularni baqidiken.

Bu emeliyette özbékistan, qirghizistan we tajikistanliqlar üchün muhim iqtisadiy kirimge aylan'ghan. Shu wejidin ottura asiya hökümetliri burundila rusiye terep bilen köchmenlerning rusiyidiki qanuniy hoquqlirini qoghdash heqqide sözlishishni dawamlashturghan idi.