12 Yashliq mirzahidning korlidiki bir saqchixanida qiynap öltürülgenliki ilgiri sürülmekte

Korlidiki melum bir mollamning öyidin tutup kétilgen 12 yashliq mirzahid amanullah shahyarining korlidiki bir saqchixanida qiynap öltürülgenliki ilgiri sürülmekte.
Muxbirimiz jüme
2012-05-23
Share

Mirzahid 20- may tutup kétilgen bolup, xitay saqchiliri mirzahidning anisigha téléfon qilip, uning 21- may "Özini öltürüwalghan" liqini bildürgen.

Bizge kelgen uchurlargha qarighanda, mirzahid esli shayardin bolup, hazir mekkide turuwatqan dadisining tapshuruqi boyiche korlidiki bir mollamning öyide diniy telim éliwatqan iken.

Xitay saqchiliri 20- may mezkur mollamning öyige basturup kirip, muderristin bashqa mirzahid qatarliq ikki talipni tutup ketken.

Mirzahid tutulup aridin bir kün ötkende, xitay saqchiliri uning shayardiki anisigha mirzahidning türmide "Tamgha üsüp ölüwalghan" liqini we derhal kélip "Dawrang salmay yerlikke qoyuwétish" ni éytqan.

Balisining jesitini élish üchün korla saqchixanisigha barghan mirzahidning anisi balisining bedinide éghir tayaq yarisi we boynida boghulghan izlarning barliqini körgen.

Xitay saqchilirining bésimi we nazariti astida mirzahidning jesiti 22- may yerlikke mejburiy qoyulghan, uning qebrisi béshida qur'an oqushqimu roxset qilinmighan.

Mirzahid bilen birge tutulghan muderris we yene bir talipning nöwettiki ehwali hazirche éniq emes.

Bu yil 8- mart korlining towrchi yézisida Uyghur pida'iylar xitay saqchiliri bilen éliship ölgendin kéyin, xitay da'iriliri korla teweside diniy zatlargha zerbe bérishni téximu kücheytken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet