Хитай пәйзиват наһийисидин йәнә бир түркүм уйғур қизларни хитай өлкилиригә йөткиди

Хитай һөкүмити 26 - июн шавгүән вәқәси вә 5 ‏- июлдики үрүмчи қирғичилиқидин кейинму, уйғур қизлирини хитай өлкилиригә йөткәш сияситидин йәнә ваз кәчмиди.
Мухбиримиз әркин
2009-08-07
Share

Шинхуа агентлиқиниң хәвәр қилишичә, даириләр алдинқи күни уйғур илиниң пәйзиват наһийисидин йәнә 189 нәпәр уйғур қизни хитайниң җеҗяң өлкисигә йолға салған.

Шинхуа агентлиқиниң бу һәқтики хәвиридә"бу, үрүмчидә йүз бәргән 5 ‏- июл вәқәсидин кейин шинҗаңниң ичкиридики өлкә - шәһәрләргә йолға салған тунҗи түркүмдики ишләмчиләр" икәнликини илгири сүргән. Хитай даирилириниң уйғур қизлирини ичкиридики өлкә - шәһәрләргә йолға селиш сиясити уйғур җәмийитиниң қаттиқ ғәзипини қозғиған мәсилиләрниң бири болуп қалған иди.

Бу сиясәт шавгүән вәқәсиниң келип чиқишиға шундақла шавгүән вәқәси 5 - июлда үрүмчи қирғинчилиқиниң йүз беришигә сәвәбчи болған иди.

Пәйзиват наһийилик партком даирилириниң ашкарилишичә, 5 - авғуст күни җеҗяңға йолға селинған бу уйғур қизлар бу йил киргәндин буян мәзкур наһийидин хитай өлкилиригә йолға селинған 23 ‏- түркүмдики ишләмчиләр икән. Шинхуа агентлиқи бу йил киргәндин буян, мәзкур наһийидин җәмий 4300 нәпәр ишләмчиниң ичкиридики 7 өлкигә йолға селинғанлиқини, йеқинқи 3 йилда йолға селинғанларниң 19 миң адәм қетимға йәткәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт