Bu yil Uyghur élide yötkep ishqa orunlashturush siyasiti ashurup emeliyleshtürülmekte

Uyghur élidiki xewer menbeliridin ashkarilinishiche, xitay hökümitining Uyghur élide yolgha qoyup kéliwatqan yéza emgek küchlirini yötkep ishqa orunlashturush siyasitining emeliylishishide éshish körülgen bolup, aldinqi yérim yildila Uyghur éli boyiche yötkep ishqa orunlashturulghan yéza éshincha emgek küchliri 949 ming 900 adem qétimgha yétip bulturqi oxshash mezgildikidin 443 ming 900 adem qétim köpeygen iken.
Muxbirimiz gülchéhre
2008-09-30
Share

Bu yene xitay hökümitining yilliq Uyghur yéza éshincha emgek küchlirini yötkep ishqa orunlashturush pilanining %79.16  Tining orunlinip bolghanliqini körsitidiken.

Xitay da'iriliri 2006 - yilidin bashlap Uyghur élidin her yili sirtlargha yötkep ishqa orunlashturidighan yéza éshincha emgek küchlirini bir milyon ikki yüz ming adem qétimgha yetküzüp kelmekte. Bu sanning asasliq qismini Uyghur élining jenubidiki nahiye yézilardin xitay ölkilirige yötkep ishqa orunlashturuliwatqan Uyghur qizliri igileydu.

Xoten hemde aqsuning yerlik hökümet tor betliridin ashkarilinishiche xitay da'iriliri, Uyghur élidin xitay ölkilirige yötkep ishqa orunlashturush sanini yildin yilgha ashurup kéliwatqan bolup, mezkur pilanni " her a'ilidin birni" yötkesh siyasiti boyiche mejburi xaraktérida ishqa ashurmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet