Uyghur rayoni shendung ölkisi bilen nuqtiliq halda yéza balilirigha qaritilghan qosh til ma'aripi boyiche hemkarlashmaqchi

Tengritagh torida bérilgen xewerdin melum bolushiche, shendung we Uyghur rayonluq hökümet da'iriliri kélishim imzalap, 2012-yilidin 2015-yilighiche bolghan ariliqta yéza balilirigha qaritilghan qosh til ma'aripini küchlendürüsh üchün yéngi bir nöwetlik hemkarlishish pilanini maqullighan.

Igilinishiche, shendung ölkisi hazirghiche Uyghur élige 400 ge yéqin oqutquchi ewetip bolghan. Yéngidin maqullan'ghan kélishim boyiche, shendung ölkisi Uyghur élige qosh til oqutquchilirini terbiyilesh üchün oqutquchi we kadir ewetkenning sirtida, 200 ge yéqin praktikant oqughuchini pesiller boyiche Uyghur élige ewetidiken.

Xitay da'iriliri yolgha qoyghan qosh tilliq ma'arip siyasiti chet'ellerdiki Uyghur ziyaliylirining küchlük naraziliqini qozghawatqan siyasetlerning biri. Ular buni Uyghur tilini yoq qilish we uni xitaychilashturush meqset qilin'ghan yekke tilliq ma'arip siyasiti dep qaraydu.

Xitay da'iriliri Uyghur élining ichi we sirtidiki Uyghurlarning naraziliq heriketlirige qarimay bu siyasitini téximu chongqur emeliyleshtürüshni dawam qilmaqta.