Xitay Uyghur éli " qosh til" ma'aripigha peqet bu yil ichidila 1 milyard 500 milyon yüen ajratmaqchi

Xitay da'iriliri Uyghur élide yürgüzüwatqan " qosh til" ma'aripi siyasiti üchün peqet bu yil ichidila 1 milyard 500 milyon yüen ajritidighanliqini ashkarilidi.
Muxbirimiz jüme
2010-11-29
Share

Shinxu'a agéntliqida körsitishiche, mezkur meblegh sélish pilani 27- noyabirdin 29- noyabirghiche ürümchide chaqirilghan " shinjang qosh til ma'aripi muhakime yighini" da otturigha qoyulghan.
Bu nöwetlik muhakime yighinigha Uyghur élidiki 33 aliy mektep, tetqiqat orunliri we 15 wilayet-oblasttin kelgen 160 wekil qatnashqan.

Melum bolushiche, nöwette Uyghur élide " qosh til" da oquwatqan xitay bolmighan oqughuchilar sani 2 milyon 369 ming 300 ge yetken. Bularning ichide, bashlan'ghuch mektepke kirishtin ilgiriki " qosh til teyyarliq sinipliri" da oquwatqan oqughuchilar sani 1 milyon'gha yéqinlashqan.

Xitay hökümiti 2020 - yilighiche "qosh til" ma'aripni pütkül Uyghur élige omumlashturup bolidighanliqini pilan qilghan.

Mezkur siyasetning Uyghur qatarliq xitay bolmighan milletlerning milliy kimlikini xunükleshtürüshke qaritilghanliqi ilgiri sürülgen.

Uyghur éli we tibetler " qosh til" ma'aripi siyasitini yolgha qoyulghan bolsa, xitayning bashqa jaylirida "ortaq til" siyasiti yürgüzülgen idi.
Mezkur siyasetler xitayning herxil jaylirida oxshashmighan qarshiliqlargha duch kelgen.

Bu yil öktebirning axiri chingxey ölkisining tibetler rayonida yolgha qoyulmaqchi bolghan "qosh til" siyasitige qarshi tibet oqughuchilar namayish qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet