Liwiyidiki qozghilangchi xelq jenubiy liniyide hökümet armiyisini yengdi

Liwiyidiki qozghilangchi xelq shenbe küni jenubiy liniyide hökümet armiyisini yéngip, kazafiy qisimlirini ez zewiyeh rayonidin qoghlap chiqardi.
Muxbirimiz jüme
2011.03.05

Ez zewiyeh rayoni liwiye paytextidin 50 kilométir yiraqliqqa jaylashqan bolup, muhim istratégiyilik rayon dep qaralmaqta.

Xewerlerge qarighanda, kazafiy qisimliri ez zewiyeh rayonigha deslepte shu jay waqti shenbe küni etigen set 6 de yüzligen esker, tanka we bronéwiklar bilen basturup kirgen.

Hökümet qisimliri sheher merkiziy meydanini igiligen bolsimu, qozghilangchi armiye qayturma hujumgha ötüp, kazafy armiyisini rayondin qoghlap chiqarghan.

Misirda hökümetke qarshi namayish ghelibe qilghandin kéyin, namayish yalquni liwiyige tutashqan.

Liwiye prézidénti wezipisidin istépa bérishni ret qilip, öktichilirige zorawanliq ishletkendin kéyin, namayish qozghilanggha aylinip ketken.

Bu jeryanda liwiye edliye ministiri, ichki ishlar ministiri we bir qanche yuqiri derijilik herbiy ofitsérlar, kazafiydin yüz orup, qozghilangchilar sépige qoshulghan.

Aldinqi küni amérika prézidénti obama liwiye prézidénti kazafiyni wezipisidin istépa bérishke chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.