Qumulda chong tiptiki wolfram zapisi tépildi

Uyghur aptonom rayonluq kan idarisi yéqinda qumulning sherqiy qismida 30ming tonnidin 50 ming tonnighiche zapas miqdarigha ige wolfram kani tépilghanliqini ashkarilighan.
Muxbirimiz méhriban
2012-09-21
Share

Uyghurbiz torining xelq'ara tor békitidiki xewerdin melum bolushiche, qumulda bayqalghan wolfram kani xelq'aradiki ottura we yuqiri derijilik kanlar bilen barawer kélidiken.

Wolfram éléktr sana'iti, ximiye sana'iti, alem qatnishi qatarliq yuqiri téxnikiliq sahelerde ishlinidighan qimmetlik renglik métal bolup, dunyaning yéqinqi yillardiki tereqqiyat éhtiyajida kem bolsa bolmaydighan qimmetlik métal. Xewerdin melum bolushiche, xitay wolfram éksportida dunyada 1-orunda turidighan bolup, yéqinqi yillarda xitaydiki wolfram xitayning özining éhtiyajini qamdiyalmasliq xewpige duch kelgen. Mushundaq mezgilde qumulda tépilghan bu wolfram kan zapisi xitayning éhtiyajini qandurghandin sirt, chet'ellerge éksport qilish miqdarinimu ashuridiken.

Xitay weziyitini közetküchilerning qarishiche, xitayning yéqinqi 30 yil ichidiki tereqqiyati Uyghur élidiki mol yer asti bayliq menbesige tayan'ghan bolup, xitayning sherqiy déngiz qirghiqidiki rayonliri Uyghur élining néfit, tebi'iy gaz, kömür qatarliq bayliqlirigha tayinip tereqqiyat pursitige érishken bolsimu, emma bu bayliqlarning igisi bolghan Uyghurlarning yenila ishsizliq, namratliq halitide qélishi Uyghurlarning naraziliqining küchiyishidiki muhim seweblerning birige aylan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet