Қумул шәһири йенидин 300 миң тонна запасқа игә молбидин кени тепилди

Хитайниң шинхуа агентлиқиниң хәвәр қилишичә, хитай йәр асти байлиқлирини тәкшүрүш даирилири қумул шәһириниң ғәрбий җәнуби қисмидин 300 миң тонна запасқа игә молбидин кени тапқан болуп, бу, хитай кан мәһсулатлирини қидирип - тәкшүрүш саһәсидики зор бөсүш һесаблинидикән.
Мухбиримиз үмүдвар
2010-06-06
Share

Мәзкур қиммәтлик йәр асти байлиқи тепилған җай қумул шәһириниң ғәрбий җәнубидики ямансу базириниң ғәрб тәрипидин 40 километир йирақлиққа җайлашқан болуп, бу җайда хенән өлкисиниң геологийилик қидирип тәкшүрүш даирилири үч йилидин артуқ вақит тәкшүрүш арқилиқ ахири мәзкур молбидин канлиқини байқиған һәмдә мәзкур кан бәлвеғида тәхминән 450 миң тоннидин артуқ молбидин записи барлиқини, бу байлиқниң омумий қиммитиниң 200 милярд йүәндин артуқ икәнликини һесаблап чиққан.

Хәвәрдә ейтилишичә, һазир қумул тәвәсидә қидирип тәкшүрүлгән енергийә характерлиқ йәр асти байлиқлири сәккиз хилға, кан түрлири 55 хилға йәткүзүлгән болуп, буларниң көпинчиси рәңлик металлар, кәм учрайдиған металлар, химийиви вә қурулуш материяллири қатарлиқ көп хил түрләрни өз ичигә алидикән.

Қумулдин қезиливатқан көмүрму зор салмақни игилигән болуп, қумулниң көмүр мәһсулатлири узундин буян ғәрбниң көмүрини шәрққә тошуш пилани бойичә ичкири хитай өлкилиригә тошулмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.