Xitayning qurban héytliq étibar belgilimisi Uyghurlardin bek xitaylarni xush qildi

Tengritagh torining bügünki bu heqtiki xewiridin melum bolushiche, da'iriler buni rayondiki musulmanlargha, jümlidin Uyghurlargha qaratqan étibar belgilimisi süpitide yolgha qoyghan. Emma yerlik we xelq'ara xewerlerdin melum bolushiche, Uyghur rayonida qatnawatqan aptomobillarning mutleq köp qismi xitay köchmenlirining ilikide, kichik aptomobillargha sahib Uyghurlarning sani omumiy nopusqa nisbeten éytqanda téximu az؛ shunga xitayning bu qétimqi bu qurban héytliq étibar belgilimisi, bayram igisi bolghan Uyghurlardin bekrek xitaylarni xush qilghanliqi perez qilinmaqta.

Dunya Uyghur qurultiyining ijra'iye komitéti re'isi dolqun eysaning radi'omizgha bildürüshiche, rayonda Uyghur xelqining nöwettiki eng jiddiy mesililiri aptomobil heqqi bolmastin, belki yémek-ichmek, kiyim-kéchek we turalghu mesilisi bolush bilen birlikte, erkin sözlesh, erkin ibadet qilish we bixeter yashash mesilisidur.