Amérikining washin'gton shehri etrapidiki Uyghurlar qurban héytliq namizini birge oqudi

Amérika paytexti washin'gtonning etrapidiki shtatlargha olturushluq Uyghurlar qurban héytliq namizini jüme küni etigen, wirjiniye shtatining feyrfeks nahiyisidiki bir orunda topliship oqudi.
Muxbirimiz erkin
2012-10-26
Élxet
Pikir
Share
Print

Her yili dawamliship kéliwatqandek bu yilqi héyt namizinimu yene, amérika-türk dostluq jem'iyiti, namliq teshkilat orunlashturghan. Héytliq namizini Uyghurlar bu teshkilatning jama'iti bilen birliship oqudi. Amérika-türk dostluq jem'iyiti yéqinqi bir qanche yildin buyan, melum bir jayni ijarige élip, roza we qurban héyt namizini Uyghurlar bilen birge oqup kelgen. Mezkur jem'iyet bu yil feyrfeks nahiyisidiki bir chérkawni ijarige élip, qurban héytliq namizini shu yerde oqughan.

Bu yilqi héyt namizigha Uyghur oghul-qizlirining köplep qatnashqanliqi we nurghun kishilerning bala-chaqa, a'ile tawabi'ati bilen kélip héyt namizi oqughanliqi diqqet qozghidi. Ayem küni amérika prézidénti barak obama bayanat élan qilip, amérika we dunyadiki barliq musulmanlarning qurban héytini tebrikligen. U bayanatida: uzun yillar mabeynide, musulmanlar bashqa diniy étiqadtikilerge qoshulup, acharchiliq, késellik we toqunushta qalghan insanlargha xizmet qilip keldi. Musulmanlar qurban héytni tebriklesh bilen birge, éhtiyajliq kishilerge yardem qilish, xeyrxahliq qilishni dawamlashturidu. Bu xil merhemet, ibrahim ümmetliri we bashqa dinlardiki barliq xelqlerning ortaq qimmet qarshini namayan qilidu, dégen.

Toluq bet