Qutubi 2-ottura mektipide xitay oghul oqughuchilar ikki Uyghur qiz oqughuchini sinipqa qamiwélip urdi

Muxbirimizning yerlik ahalilerdin igilishiche, weqe ikki Uyghur qiz oqughuchi bilen xitay qiz oqughuchilar arisida yüz bergen gep talishishtin bashlan'ghan. Qiz oqughuchilarning gep talishishigha arilashqan xitay oghul oqughuchilar ikki Uyghur qizni sinipqa tartip ekirip, ulargha topliship hujum qilghan. Hujumda xitay oqughuchilar süpürge, toqmaq we orunduqlarnimu qollan'ghan.

Weqege arilashqan oqutquchilar xitay oqughuchilarni siniptin chiqiriwetken bolsimu, xitay oqughuchilar sinipqa bösüp kirish üchün, tekrar-tekrar urun'ghan.

Melum bolushiche, mektep rehberliri weqeni yeng ichide bir terep qilish yolini tutup, weqening axbarat wasitilirige tarqilishini tosqan, weqe sadir qilghan xitay oqughuchilargha héchqandaq jaza qollanmighan.

Bu Uyghur élide yéqinqi bir yil ichide oqughuchilar arisida yüz bergen milliy toqunush heriketlirining 3-qétim axbaratqa ashkarilinishidur.

Ötken yili qaramay ikkinchi ottura mektepte, bu yilning béshida bolsa ürümchi 20-ottura mektepte Uyghur oqughuchilar bilen xitay oqughuchilar arisida milliy toqunush yüz bergen.