Rabiye qadir xanim: xelq méning ularni yétekliyeleydighanliqimgha ishinidu, menmu ularning ümidini yerde qoymaymen

Amérikidiki xitay démokratlirining teshkilati - “Puqralar küchi” ning 22 - iyun radi'omizgha yollighan uchuridin melum bolushiche, Uyghur milliy herikiti rehbiri rabiye qadir xanim 14 - iyun mezkur teshkilatning washin'gton alahide rayondiki ishxanisini ziyaret qilghan we teshkilat qurughuchisi yang jenli bilen körüshken.
Muxbirimiz jüme
2012.06.23


Uchurda neqil qilishiche, rabiye qadir xanim yang jenli bilen körüshkende: ishench bek muhim. Xelq méning ularni yétekliyeleydighanliqimgha ishinidu, menmu ularning ümidini yerde qoymaymen, dégen.

Yang jenli rabiye qadir xanimning asasen toluq awaz bilen qayta saylan'ghanliqi heqqide toxtilip: bu biz nezerdin saqit qilishqa bolmaydighan körsetme, dégen.

U yene mundaq dégen: rabiye qadir xanimni bu yerde kütüwalghanliqimizdin özimizni pexirlik hés qilmaqtimiz we kelgüside junggo we dunyaning her qaysi jayliridiki Uyghurlar uchun xizmet qilishta hemkarliqimizni dawamlashturushni kütmektimiz.

Uchurda körsitishiche, rabiye qadir xanimning “Puqralar küchi” teshkilatini ziyaret qilishi xitay démokratchisi yang jenli bilen dunya Uyghur qurultiyi arisidiki munasiwetning küchiyiwatqanliqni körsitidiken.

“Puqralar küchi” teshkilati xitay démokratliri chet'ellerde qurghan eng nopuzluq we eng hörmetke sazawer teshkilatlarning biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.