Уйғур рәһбири рабийә қадирниң қизи тәйвәнгә йетип кәлди

Франсийә агентлиқиниң хәвәр қилишичә, дуня уйғур қурултийиниң рәиси рабийә қадирниң қизи раһилә ханим рабийә қадир һәққидә ишләнгән һөҗҗәтлик филим " муһәббәтниң он шәрти" ни қоюш паалийитигә қатнишиш үчүн йәкшәнбә күни тәйбейға йетип кәлгән.
Мухбиримиз үмидвар
2010.07.18

Раһилә ханим рабийә қадир ханимға вакалитән тәйвәнниң гавшоң қатарлиқ шәһәрлиридә орунлаштурулған " муһәббәтниң он шәрти" филимини көрситиш һәмдә башқа мунасивәтлик паалийәтләргә қатнишиду.

Хәвәрдә ейтилишичә, майиңҗу һөкүмити рабийә қадирниң тәйвәнгә келишини тосушни қарар қилған болуп, чүнки, майиңҗу башчилиқидики тәйвән һөкүмити йеқиндин буян хитай чоң қуруқлуқи билән болған мунасивәтләрни қоюқлаштурған иди.

Тәйвән һөкүмити дуня уйғур қурултийи вә рабийә қадир ханим һәққидә хитай билән охшаш мәйданни тутқан.

Америка авазиниң хәвәр қилишичә, бу қетим раһилә ханим билән тәйвәнгә бармақчи болған дуня уйғур қурултийиниң муавин рәиси өмәр қанатниңму виза илтимаси рәт қилинишқа учриған. Тәйвәндики аммиви тәшкилатларниң пикри билән һөкүмәтниң қариши пәрқлиқ болуп, "муһәббәтниң он шәрти"ни қоюшни тәләп қиливатқан тәшкилатлар рабийә қадир ханимниң паалийәтлирини қоллиған һәмдә" майиңҗу һөкүмити хитай башлиқлириниң тәйвәнгә келишини қарши алиду, әмма рабийә қадирниң тәйвәнни зиярәт қилишини рәт қиливатиду. Бу җуңго билән болған мунасивәтни әқилғә сиғмайдиған һалда һәл қилиш усули" дәп тәнқид қилған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.