Awstiraliye rabiye qadir xanimgha wiza bergen

Awstiraliye hökümiti xitay da'irilirining bésimigha qarimay dunya Uyghur qurultiyi re'isi rabiye qadir xanimgha wiza bérip, uning 8 - awghust küni milborindiki awstiraliye xelq'ara kino féstiwaligha qatnishishigha yol échip berdi.
Muxbirimiz erkin
2009-07-31
Share

B b s ning xewer qilishiche, awstiraliye hökümiti xitayning rabiye qadir xanim toghrisidiki eyibleshlirini ret qilip, uninggha wiza bermeslikning sewebi yoqluqini bildürgen.

Awstiraliye tashqi ishlar ministiri simis, rabiye qadir xanimning wiza alghanliqini, kéler hepte awstiraliyige kélidighanliqini élan qilghan.

Xitay hökümiti rabiye qadir xanim we uning rehberlikidiki dunya Uyghur qurultiyini 5‏ - iyuldiki ürümchi weqesini qozghighan dep eyiblep, awstiraliye hökümitidin uninggha wiza bermeslikni telep qilghan. Simis, rabiye xanimgha awstiraliye köchmenler qanunigha asasen wiza bérilgenlikini, bu uning awstiraliyini 3 - qétim ziyaret qilishi bolup qalidighanliqini tekitligen.

Rabiye xanim awstiraliyidiki ziyariti jeryanida xelq'ara kino féstiwaligha qatnishidu. Shuning bilen birge awstiraliye parlaménti, metbu'ati we awstiraliyidiki Uyghur muhajirlar bilen uchrishishi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet