Рабийә қадир ханим һәққидики филим тәйбейдиму қоюлиду

Тәйвән тәйбей мәдәнийәт даирилири 21 - сентәбир дүшәнбә күни, "муһәббәтниң он шәрти" ниң тәйбейдиму қоюлидиғанлиқини уқтурди. Шуниң билән, хитай даирилириниң бесимиға қаримай уйғур миллий һәрикити йетәкчиси рабийә қадир ханим һәққидә ишләнгән мәзкур филимни тәйвәндә көрситидиған шәһәрләр иккигә йәтти.
Мухбиримиз җүмә
2009.09.21

Уйғур миллий һәрикити рәһбири рабийә қадир ханим һәққидә ишләнгән һөҗҗәтлик филим "муһәббәтниң он шәрти" тәйвәнниң гавшйоң кино фестивалида қоюлидиғанлиқи қарар қилинғандин кейин, хитай даирилириниң қаттиқ наразилиқни қозғиған иди. Хитай тәрәп гавшйоң шәһиридә мәзкур филимни қоймаслиқ һәққидә мунасивәтлик даириләргә тәһдит ишләткән иди.

Һалбуки, гавшйоң шәһириниң шәһәр башлиқи, өз шәһириниң тәрәққийпәрвәр вә кишилик һоқуқ шәһири икәнлики, пәқәт бейҗиң даирилириниң қаршилиқи түпәйлидинла мәзкур филимни қоюшни чәклисә шәһәрниң образи вә орниға нуқсан йетидиғанлиқини илгири сүргән.

21 - Сентәбир дүшәнбә күни, тәйбей шәһәрлик мәдәнийәт мәркизиниң директори ву тәйпиң " муһәббәтниң он шәрти"ни нурғун адәмниң сүрүштә қилғанлиқи, шуңа мәзкур филимни тәйбейдиму көрситишни пилан қилғанлиқини билдүргән. У бу һәқтә тохтилип: "биз бу филимни мумкин қәдәр җиқ көрситимиз" дегән.

"Муһәббитиң он шәрити" австралийә мелбурн филим фестивалида қоюлғандин кейин, тәйвән гавшйоң кино фестивалидиму қоюлуш қарар қилинған һәмдә хитай хаккерлири гавшйоң кино фестивалиниң тор бетигә интернет һуҗуми қозғиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.