Рабийә ханим франкфорт хәлқара китаб йәрмәнкисигә қатнишиду

Дуня уйғур қурултийиниң рәиси рабийә қадир ханим, 10 ‏ - айниң 14 ‏ - күнидин 18 - күнигичә өткүзүлидиған дунядики әң чоң китаб йәрмәнкилириниң бири болған франкфорд хәлқара китаб йәрмәнкисигә қатнишиду.
Мухбиримиз әркин
2009.09.24

Рабийә қадир ханимниң йәрмәнкигә қатнишиши униң һаяти асас тема қилинған "әҗдарһа билән елишқучи" намлиқ биографийисиниң йәрмәнкигә қоюлидиғанлиқи билән мунасивәтлик.

Германийә мәтбуатлириниң хәвәр қилишичә, бу қетимқи китаб йәрмәнкисидә хитайниң нәшрият әркинлики, тибәт, уйғур вә фалунгоң мәсилисигә қандақ муамилә қилиш мәсилиси кишиләр диққәт қилидиған қизиқ нуқтиларниң бири болуп қелиши мумкин.

Йеқинда хитайлар билән франкфорт китаб йәрмәнкисини уюштурғучи органни өз ичигә алған 6 тәшкилат бирлишип, хитайниң тәрәққият әһвалини тема қилған бир муһакимә йиғини уюштурған иди.

Муһакимә йиғиниға чәтәлдики хитай өктичи шаир вә язғучилиридин бәй лиң вә дәй чиңлар тәклип қилинған, лекин бу икки зиялий йиғинда хитай өмикидикиләрниң чәткә қеқишиға учриған иди.

Бу вәқә германийә җәмийитиниң диққитини қозғап, уйғур, тибәт, фалунгоң вә нәшрият әркинликигә қандақ муамилә қилиш мәсилиси бу қетимқи китаб йәрмәнкисидики қизиқ нуқтиларниң биригә айланған.

Өктәбирниң оттурилиридики франкфордики китаб йәрмәнкисигә қатнишиш рабийә қадир ханимниң мушу вақит ичидә явропадики бәзи дөләтләрдә елип баридиған қисқа муддәтлик зияритиниң бир қисимидур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.